O. MirzəyevXeberle.com-a bildirib ki, dözülməz vəziyyətdə yaşayırlar: "Çox yerlərdə acınacaqlı şəraitdə qalmışam. 2003-cü ildən isə Sumqayıt şəhəri Tuqzavod qəsəbəsində yerləşən Su Meliorasiya İdarəsində məskunlaşmışam. Buranı ilanlar zəhərli böcəklər basıb. İlnən su və qaz olmur. Biz çən vasitəsi ilə sudan istifadə edirik. Atam, əməkdar mühəndis Mirzəyev Musa Şükür oğlu da burada vəfat etdi. Cox kasıb olduğumuza görə burada qalmışıq. Məcburi köçkünlərin dövlət tərəfindən mənzillə təmin olunmasıyla bağlı bizi də siyahıya aldılar. Burada yaşayan 14 ailə mənzillə təmin olundu. Bizə isə mənzil verilmədi. Belə əsaslandırdılar ki, anamın adına mənzil olub, sizə verə bilmərik. Qeyd edimki, anamın adına mənzil 4 il bundan öncə olub. O evi bacım Rusiyada olanda pul göndərib almışıq. Ev bacımgilin evi olub, sadəcə anamın adına alınmışdı. Sonradan onlar ölkəyə gələndə mənzil onların adına keçirildi. Məsələ belə olub.

Hazırda bu şəraitsiz vəziyyətdə mən, xəstə anam, 2 uşaq və yoldaşım qalırıq. Həyat yoldaşım da hamilədir. Üç gün əvvəl mətbəxdə boşqab götürən zaman qazanın içində ilan gördük. Bununla yanaşı mətbəxin döşəməsində də ilanlar var idi. Neçə gündür ki, qorxudan qohum evində qalırıq. FHN-ə müraciət etmişəm, məhəl qoyan yoxdur".

Dövlət qurumlarından xahiş edirəm ki, məcburi köçkün ailəsi olaraq bizi də mənzillə təmin etsinlər”.

Qaçqınların və Məcburi Köçkünlərin İşləri üzrə Dövlət Komitəsində isə məcburi köçkün ailəsinin mənzillə təmin olunmamasını belə əsaslandırırlar. Komitənin Beynəlxalq əməkdaşlıq, ictimaiyyət və mətbuat xidməti departamentinin direktoru Xeberle.com-aaçıqlamasında bildirib ki, Dövlət Komitəsi tərəfindən məcburi köçkünlərə mənzillərin verilməsində Nazirlər Kabinetinin 65 saylı qərarı ilə təsdiq etdiyi Qayda əsas götürülür: "Həmin qaydanın, 2.10-cu bəndinə əsasən, məcburi köçkün düşdükdən sonra mənzil qanunvericiliyinə və ya mülki-hüquqi əqdlərə əsasən ayrıca yaşayış sahəsi əldə edən məcburi köçkünlərə və onların ailə üzvlərinə (şəhid ailələri istisna olunmaqla) yeni yaşayış sahəsi verilmir”.

Xədicə Səxavətqızı

Xeberle.com