Sumqayıt
şəhər 48-ci məhəllə sakini 28 yaşlı Aysel Mustafayeva mülki işlə
bağlı məhkəmə sistemində olan süründürməçilikdən şikayətlənir.
Xeberle.com
xəbər verir ki, o bu barədə "Kriminal Press” Feysbuk səhifəsində yayımlanan
videomüraciətində bildirib.
A.
Mustafayeva 5 ildir ki, müraciət etmədiyi orqanının qalmadığını deyir.
O,
bir qədər də irəli gedərək 15 gün ərzində
mülki işinin həll olunmamasına etiraz olaraq Ermənistana keçəcəyini bəyan edib.
Xeberle.com
sözügedən məsələ ilə bağlı araşdırma aparıb.
Araşdırma
nəticəsində məlum olub ki, A. Mustafayeva Samir adlı şəxslə nikahda olub və bu
izdivac 2015-ci ildə pozulub. Bundan sonra isə A. Mustafayeva birgə nikah
zamanı alınmış avtomobilin bölgüsü ilə bağlı məhkəməyə müraciət edib. Məhkəmə
isə həmin avtomobildən 28 yaşlı Aytənə 17000 manat pay verilməsi barədə qərar
çıxarıb. Qərara əsasən ona verilməli olan pulun 11500 manatı ona ödənilib. Bundan sonra isə o, qalan məbləğin alınması
üçün məhkəməyə yenidən müraciət edib. A. Mustafayeva işininin müsbət həll
olunması üçün Bakıda vəkil kimi tanıdığı şəxslərdən birinə 500 manat məbləğində
pul verib. O, işinin həll edilmədiyini görərək həmin məbləğin geri alınması
üçün yenidən məhkəmə orqanlarına üz tutub. Və hazırda bu sahədə məhkəmə prosesləri
davam edir.
Onun
bu səbəbdən Ermənistana keçəcəyini bəyan etməsi Qarabağ qaziləri və şəhid ailələri
tərəfindən hiddətlə qarşılanıb və qınanıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
