Yeni Azərbaycan Partiyasının (YAP) 44 saylı Sumqayıt-Xızı seçki dairəsindən deputatlığa namizədi Müşfiq Məmmədlinin seçicilərlə görüşləri davam edir.
Xeberle.com xəbər verir ki, növbəti belə görüş Sumqayıt şəhərində "Xəzri” yaşayış massivində keçirilib.
Çıxış edən namizədin vəkilləri Müşfiq Məmmədli haqqında seçicilərə geniş məlumat veriblər.
Deputatlığa namizəd M.Məmmədli isə çıxışında Azərbaycan Respublikasının Prezidenti İlham Əliyevin rəhbərliyi ilə ölkədə bütün sahələrdə aparılan köklü islahatların əhəmiyyətindən danışıb.
Bununla yanaşı, M. Məmmədli Sumqayıtda aparılan abadlıq-quruculuq işlərindən, yenilənən infrastrukturdan da geniş söz açıb. Deputatlığa namizəd çıxışında mövcud çatışmazlıqlara da toxunub və gələcəkdə bu problemlərin aradan qaldırılması istiqamətində böyük səylə çalışacağını vurğulayıb.
M.Məmmədli seçicilərin ona etimad göstərəcəyi təqdirdə bu etimadı doğruldacağına söz verib və görüşə gələn hər bir seçiciyə minnətdarlığını bildirib.
Sonda vətəndaşlar tərəfindən təklif və müraciətlər dinlənilib, onları maraqlandıran suallar cavablandırılıb.
Xəbərdən istifadə edərkən istinad etmək vacibdir.
