1 saylı Sumqayıt Şəhər Xəstəxanasının nəzdində fəaliyyət göstərən laboratoriyada may ayının 8-dən bu günədək 9000 insan koronovirus testindən keçirilib.
Bu məlumatı Xeberle.com-a laboratoriyanın müdiri Aqşin Hümbətov bildirib. O həmçinin qeyd edib ki, götürülən testlərin 500-ə qədəri pozitiv nəticə verib ki, bunun da əksəriyyəti Sumqayıt sakinləridir. Sutka ərzində laboratoriyaya 250-300 müarciət daxil olur. Müraciətlər əsasən Sumqayıt şəhəri və Abşeron rayonu ərazisindən daxil olur, digər ərazilərdən göndərilən nümunələrin qəbulu laboratoriyanın işi çox olduğu üçün dayandırılıb.
Məlumat üçün bildirək ki, Sumqayıtda 1 saylı Şəhər Xəstəxanasının nəzdində fəaliyyət göstərən yeni tipli laboratoriya mayın 8-dən fəaliyyətə başlayıb. Burada COVID-19 virusunun aşkarlanması üçün xüsusi testlər aparılır.
Xədicə Səxavətqızı
Xəbərdən istifadə edərkən istinad etmək vacibdir.
