Bu barədə Xeberle.com-aaçıqlamasında Sumqayıt şəhər Polis İdarəsinin İctimai Təhlükəsizlik şöbəsinin rəisi, polis-polkovnik-leytenantı Nizami Paşayev bildirib. Nizami Paşayevin sözlərinə görə, 5 aprel tarixindən bu günə qədər ümumilikdə Sumqayıtda 3860 protokol tərtib olunub. Protokollardan təxminən 100- ə qədəri maskadan istifadə etməməyə görədir. Xüsusi karantin qaydalarının kobud şəkildə pozan 22 nəfərə isə inzibati həbs cəzası verilib.

Qeyd edək ki, Nazirlər Kabineti Bakı, Sumqayıt, Gəncə, Lənkəran, Yevlax, Masallı, Cəlilabad və Abşeron ərazisində xüsusi karantin rejiminin sərtləşdirilməsi ilə bağlı əlavə tədbirlər barədə qərar qəbul edib.

Qərara əsasən, sərt karantin rejimi 21 iyun saat 00:00-dan 5 iyul saat 06:00-dək davam edəcək.

Xədicə Səxavətqızı