Valideynlərə övladlarının məktəbə gəlmə qaydası ilə bağlı seçim imkanı verilib və valideynlər ya onlayın təhsili, ya da həftədə 2 və ya 3 dəfə məktəbə gələrək əyani təhsil almağı seçə bilərlər.

Bəs görəsən Yeni tədris ilində hansı metodlarla dərslərin keçirilməsi daha uğurlu nəticələr verə bilər, distant təhsil valideynləri qane edirmi?

Qeyd edək ki, sorğunun nəticələrindən belə qənaətə gəlmək olar ki, çoxluq onlayn təhsilin əleyhinədir və övladlarının məktəbə gedərək ənənəvi qaydada təhsil almalarını istəyirlər.

Pediatr Lalə Eyvazqızı: "Bu yaş qrupları arası uşaqlar ən çox risk qrupudur, çünki...

Pediatr Lalə Eyvazqızıda ənənəvi təhsili dəstəkləyir.Deyir ki, onlayn dərslər uşaqlarda qavrama qabiliyyətini, fikirlərini toplamaq və dinləmək kimi funksiyaları zəiflədir: "Uşaqların ənənəvi qaydada dərsə getməsi daha məqsədə uyğundur, nəin ki, onlyn və ya hibrid təhsil. Biz bilirik ki, başqa viruslar əleyhinə uşaqlarda vakinasiya aparılır. Uşaqlar qrip əleyhinə vaksin olunsa və müəyyən zəruri tədbirlərə əməl etməklə ənənəvi təhsilə başlamaq olar. Mütəmadi olaraq otaqların havalandırılmasına diqqət edilsə, uşaqların hərarəti ölçülsə, hər gün ciddi nəzarət olunsa, bir-birləri ilə kontaktda olmağa diqqət edilsə uşaqlar gündəlik dərsə gedə bilər. Düşünürəm ki, uşaqlar mütləq qrip əleyhinə vaksin olunacaq, çünki payız-qış aylarında qrip baş qaldırır və bu da virusal xəstəlik hesab olunur. Covid-19-un digər xəstəliklərə qarışmaması üçün vaksin vacibdir. 1-4-cü siniflər arası şagirdlərin dərsə getməsi nəzərdə tutulur, lakin bu yaş qrupları arası uşaqlar ən çox risk qrupudur, çünki azyaşlıların xəstəliyə yoluxma ehtimalı daha çoxdur. Bu yaşda olan uşaqların maska taxması da məsləhət deyil, təbii ki, o yaş aralıqlarında olanlar maskadan düzgün istifadə qaydasını da bilmirlər.

Çünki, həftədə iki dəfə dərsə gələn şagirdin digər məkanlarda kontaktları olacaq və başqa yerlərdən xəstəlikləri gətirib virusu məktəbdə yayacaqlar. Böyük yaşlılarda immun sistemi daha yaxşı inkşaf edir və bədəndə viral infeksiyası üçün antitel yaranır. İndiyə qədər azyaşlılar arasında Covid-19 virusuna yoluxmalarda fəsadlı nəticələr olmayıb. Əsasən çalışmaq lazımdır ki, viral infeksiyaya hər hansı bir bakterial infeksiya qoşulmasın. Bunu normada saxlasaq uşaqlar vəziyyətdən daha tez çıxır. Bütün bunlara baxmayaraq məktəblərdə hər bir kiçik detal diqqətdə saxlanılsa təhsil də, sağlamlıq da yüksək səviyyədə olar.”

Təhsil eksperti Kamran Əsədov: "Yeni tədris ilinin onlayn qaydada davam etməsi o qədər də effektiv nəticələr verməyəcək"

Təhsil eksperti Kamran Əsədov da onlayn təhsilin istənilən nəticxəni verməyəcəyini deyir. Baxmayaraq ki, mart ayında şagirdlər təhsillərinə distant olaraq davam etdilər, amma bu o qədər də pis nəticələr vermədi: "Çünki onlar artıq sentyabrdan ənənəvi olaraq dərslərini keçib, müəyyən bilik və bacarıqlara artıq yiyələnmişdilər. Yeni tədris ilinin onlayn olaraq başlaması isə, effektiv nəticələr verməyəcək.

Dərslərin bir hissəsinin auditoriyada, siniflərdə keçirilməsi şagirdlərin zəruri biliklərə yiyələnməsinə kömək edəcək. Şagird bütün günü onlayn təhsil alarsa, proseslərdən kənarda qalacaq və biliklərə yiyələnə biməyəcək. Bu gün bizim təhsilimizdə 1.6 milyon şagird təhsil alır, onların heç də hamısının internetə çıxışı, kompyuteri, planşeti yoxdur. Məhz, bu səbəbdən şagird növbəli qayda da olsa siniflərdə dərs keçməlidir. Əks halda bilik və bacarıqların formalaşdırılması mümkün olmayacaq. Həm ənənəvi, həm də onlayn qaydada keçiriləcək dərslər isə şagirdlərin müəyyən biliklərə yiyələnməsinə şərait yaradacaq"

Xədicə Səxavətqızı

Xeberle.com