Sumqayıtda Sərvər Bədəlbəyli və Bakı küçələrinin kəsişməsində yeni asfalt örtüyü döşənən yol yenidən qazılıb.
Xeberle.com mövcud vəziyyətin səbəblərini araşdırıb. Məlum olub ki, yol Sumqayıt Sukanal İdarəsi tərəfindən kanalizasiya borularının dəyişdirilməsi səbəbilə qazılıb.
İdarənin baş mühəndisi Mahir İmanov Xeberle.com-a açıqlamasında məsələyə belə aydınlıq gətirib:
"Təyin olunan layihə üzrə iş tam başa çatdırılmamışdı. Lüdviqshafen parkı ərazisində aparılan işlər zamanı qrunt suları səbəbilə layihəni tamamlamaq mümkün olmadığından iş dayandırıldı. Yeni layihə hazırlanaraq, rəhbərliyin təlimatıyla hazırda yeni layihə üzrə işlər davam etdirilir. Yaxın müddətdə başa çatdırılacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
