Sumqayıt şəhərindəki "Unikal” klinikası xəstənin əməliyyat masasında ölməsi ilə bağlı mətbuatda yayılan xəbərə münasibət bildirib.
Klinikadan Xeberle.com-a verilən açıqlamada deyilir:
"Bildiririk ki, xəstənin əməliyyat masasında ölməsi ilə bağlı yayılan xəbər həqiqəti əks etdirmir. Belə ki, Sumqayıt şəhər sakini 1971-ci il təvəllüdlü Aslanova Lalə Əbdulxan qızı 05.01.2022-ci il tarixdə Sumqayıt şəhər "Unikal Klinika"MMC tibb müəssisəsinə"Endometrium hiperplaziyası,uşaqlıq qanaxması"diaqnozu ilə daxil olmuş,05.01.2022-ci il tarixdə saat 15.00-da "Uşaqlığın ekstripasiyası"cərrahi əməliyyatı icra olunmuşdur.2 saat davam edən əməliyyat fəsadsız keçmişdir.Xəstə ekstubasiya olunub,reanimasiya şöbəsinə yerləşdirilmişdir.Xəstənin vəziyyəti 1 sutka ərzində stabil olmuş,yaxınları ilə telefon əlaqəsi saxlamış,qidalanmışdır.Əməliyyatı icra edən həkimin iştirakı ilə xəstə 06.01.2022-ci il tarixdə saat 15.45-də aktivləşdirilən zaman xəstə qəflətən özünü pis hiss etmişdir.Xəstəyə uzanıq vəziyyət verilmişdir.Tənəffüsündə çətinləşmə qeyd olumuşdur.Göstərilən bütün reanimasiyon tədbirlərə baxmayaraq xəstənin həyatını xilas etmək mümkün olmayıb. Xəstənin ehtimal olunan ölüm səbəbi "Ağciyər arteriyasının tromboemboliyası"dır.
Klinikanın təkidi ilə təşrih üçün Məhkəmə Tibbi Ekspertizanın Pataloji Anatomiya binasına göndərilmişdir".
Xədicə Səxavətqızı
Xəbərdən istifadə edərkən istinad etmək vacibdir.
