Sosial şəbəkədə 161 saylı orta məktəbin direktorunun tədbirdə şəhidlərin ruhunu yad etmək üçün 1 dəqiqəlik sükut zamanı ayağa qalxmaması ilə bağlı video yayılıb.
Məsələ ilə Bakı Şəhəri üzrə Təhsil İdarəsindən bildirilib ki, paytaxtdakı 161 nömrəli tam orta məktəbdəki tədbirdə şəhidlərin xatirəsi anılan zaman direktor Ruhiyyə Tağıyeva və yanında əyləşən şəxslərin ayağa qalxmaması ilə əlaqədar yayılan videogörüntülərlə bağlı Bakı Şəhəri üzrə Təhsil İdarəsi tərəfindən müvafiq araşdırma aparılır.
Bildirilib ki, araşdırmanın nəticəsi barədə ictimaiyyətə əlavə məlumat veriləcək.
Qeyd R. Tağıyeva 1999-2016-cı illərdə Sumqayıtda bir sıra məktəblərdə direktor müavini və direktor vəzifəsində çalışıb. 2016-2017-ci illərdə Sumqayıt Şəhəri Təhsil Şöbəsinin müdiri işləyib. 2017-2019-cu illərdə Sumqayıt şəhəri İsmət Qayıbov adına 1 №-li tam orta məktəbdə direktor vəzifəsində çalışıb. 2020-ci ildən Bakı şəhəri Cəfər Cabbarlı adına 161 №-li tam orta məktəbin direktoru vəzifəsində çalışır. Hal-hazırda Sumqayıt Dövlət Universitetinin Azərbaycan dilinin Tədrisi və Metodikası Kafedrasının doktorantıdır.
Xəbərdən istifadə edərkən istinad etmək vacibdir.
