Ötən gün ABŞ-ın Sahil Mühafizə Xidmətinin gəmisi tərəfindən San-Diyeqo (Kaliforniya)
şəhərinə çəkisi 29,9 tondan artıq olan müsadirə edilmiş kokain
gətirilib. Ələ keçirilmiş narkotik maddənin ümumi dəyəri 1,01 milyard
ABŞ dolları təşkil edir.
Bu ABŞ Sahil Mühafizə Xidməti tarixində narkotiklərin ələ keçirilməsi üzrə ən iri əməliyyatdır.
İri kokain yükü Sakit okeanda həyata keçirilən narkotiklərin ələ keçirilməsi üzrə əməliyyat zamanı
müsadirə edilib. Əməliyyatın təfərrüatları barədə hələlik məlumat
verilməyib.
Ümumilikdə Sahil Mühafizə Xidməti ötən ilin oktyabr ayından etibarən 1,8
milyard ABŞ dolları məbləğində 53,7 ton narkotik vasitə müsadirə edib.
Narkotik maddə nəqli ilə məşğul olmaqda şübhəli bilinən 215 nəfər
saxlanılıb.
Bu göstəricilər son üç ildə müsadirə edilmiş narkotiklərin sayını üstələyir.
Əslən Latın Amerikasından olan narkokuryerlər adətən qanunsuz yüklərin daşınması üçün su altı qayıqlara bənzəyən kiçik gəmilərdən istifadə edir.
Xəbərdən istifadə edərkən istinad etmək vacibdir.