"Azərikimya”İstehsalat Birliyində "Xocalıya ədalət” beynəlxalq kampaniyası çərçivəsində Xocalı soyqırımına həsr olunmuş təqdimat keçirilir.
Təqdimatdan öncə "Xocalıya ədalət” Beynəlxalq Kampaniyası İctimai Birliyinin baş mütəxəssisi Fərid Cəfərov Xeberle.com-a bildirib ki, əsas fəaliyyətlərini ölkə hüdudularından kənarda qursalar da artıq Azərbaycanın bir sıra şəhərlərində, eləcə də qurumlarda tədbirlər keçiriblər:
"Artıq Azərbaycanda da kampaniyanın əhəmiyyəti və  məqsədi haqqında təqdimatlarla  çıxış edirik. Bu gün isə təqdimatımız Sumqayıt şəhərində olacaq.  Sumqayıtda ilk belə tədbirimiz, kompaniyamızın təqdimatıdır ki,”Azərikimya”da ictimaiyyət nümayəndələri üçün keçirilir”.
Baş mütəxəssis Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən başlanılan "Xocalıya ədalət” beynəlxalq kampaniyasının əhəmiyyətini də  vurğulayıb: "Kampaniya çərçivəsində Xocalı soyqırımı ilə bağlı beynəlxalq səviyyədə məqsədyönlü təbliğat tədbirləri həyata keçirilir, Azərbaycanın haqq səsi dünyaya çatdırılır. Leyla Əliyeva tərəfindən ölkədə "Xocalıya ədalət” Beynəlxalq Kampaniyası İctimai Birliyinin təsis edilməsi də milli səviyyədə bu tədbirlərin genişləndirilməsinə və əlaqələndirilməsinə, təbliğat-təşviqat işlərinin səmərəliliyinin artırılmasına yönəlib. Bu günkü tədbirin məqsədi də həmin İctimai Birliyin Xocalı soyqırımı ilə bağlı müxtəlif təbliğat vasitələri və informasiya resursları əsasında hazırladıqları təqdimatla tanış olmaqdır”.
Xeberle.com