Aprelin 13-də dünyada ilk dəfə olaraq robot təhsil almaq üçün məktəbə qəbul olunub.

 İKT.lent.az-ın "svopi.ru” saytına istinadən məlumatına görə, yaponiyalı mütəxəssislər tərəfindən yaradılan "Pepper” adlı robot təcrübə çərçivəsində Yaponiyanın Vaseda prefekturasında məktəbə qəbul edilib. O, uşaqlarla birgə oxuyacaq və bütün dərs proqramını keçəcək.

 Belə təcrübə ilk dəfədir keçirilir. Bunun sayəsində alimlər insanların və robotun birgə işində onların davranışını daha detallı şəkildə öyrənə biləcəklər.

 Mərasimdə çıxış edən müəllimlər məktəbliləri robotla ünsiyyətdə olmağa və maksimal olaraq onlara yaradılan bu imkanlardan istifadə etməyə dəvət ediblər. Çünki belə bir təcrübə unikaldır və bunun sayəsində şagirdlər əldə etdiyi təcrübəni gələcəkdə istifadə edə biləcəklər. Öz növbəsində "Pepper” adlı kibernetik cihaz öz "sinif yoldaşlarına” bildirib ki, heç zaman insanlarla birgə bir məktəbdə oxuyacağı barədə düşünməyib. O, əla qiymətlərlə oxuyacağına da söz verib.

 "Pepper”i Yaponiya məktəbinə ötürən alimlər onu ingilis dili dərslərində istifadə etmək niyyətindədirlər. Çünki robot yapon dilindən başqa, bu dili də çox yaxşı bilir.

 Danışan-robot digər kiber-cihazlardan fərqli olaraq, sevincdən başlayaraq kədər və hüznə qədər insan emosiyalarını ayırmaq xüsusiyyətinə malikdir. Bunun üçün də mütəxəssislər əmindirlər ki, "Pepper”in özünə dost tapmaq problemi yaranmayacaq.