Bakı şəhəri, Binəqədi rayonunda ümumi sahəsi 100 m2 olan talvarın yanar konstruksiyaları, altında dayanmış "VAZ” markalı minik avtomobilinin yanar hissələri yanıb.
Xəbərlə.com Fövqəladə Hallar Nazirliyindən Lent.az-a daxil olan məlumata istinadən xəbər verir ki, eyni zamanda talvara bitişik ümumi sahəsi 100 m2 olan birmərtəbəli 4 otaqlı evin çardağının taxta atmaları 30 m2 sahədə yanaraq kül olub.
Yüksək temperaturdan 1 otağının və mətbəxinin lambirdən ibarət tavanı 30 m2 sahədə əriyib.
Evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
Qurumdan verilən digər məlumata görə, Sumqayıt şəhərində ümumi sahəsi 200 m2 olan ikimərtəbəli 6 otaqlı evin dam örtüyünün yanar konstruksiyaları 100 m2 sahədə və 1 otağının döşəməsi 20 m2 sahədə yanıb. Evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
Xəbərdən istifadə edərkən istinad etmək vacibdir.
