Xeberle.com xəbər verir ki, bu barədə gunpress.az-a daxil olan şikayət məktubunda bildirilib. Vurğulanır ki, xüsusilə də doğum evində çalışan tibb bacıları və sanitarlar onun əlindən qan ağlayır. Şikayət məktubunda həmçinin qeyd olunur ki, baş həkim bununla da kifayətlənməyərək həkimlərin fəaliyyət göstərdiyi otaqları onların əlindən alır, kollektiv arasında ayrı seçkilik yaradır. Bununla yanaşı o, müxtəlif adlarla işçilərdən pul yığır.

Bu azmış ki, baş həkim doğum evində işləyən 68 yaşlı anası Emilya Hüseynovanın xəstələrə qarşı etdiyi davranış və düzgün aparılmayan müalicələrə göz yumur, Maraqlısı odur ki, əksər səhiyyə müəssisələrində 65 yaşına çatan həkimlər yaş senzinə görə təqaüdə göndərilsə də, xüsusi xidmətləri olmayan Emilya Hüseynova hələ də doğum evində həkim olaraq çalışır. İşçilər tərəfindən baş həkimə etdiyi qanunsuz hərəkətlərlə bağlı etiraz edilsə də, o bu şikayətləri qulaqardına vurur. "Gedin kimə şikayət edirsinizsə edin, heç kimdən qorxmuram” deyə reaksiya verir. Bir sözlə, X. Binnətzadə kollektivdə qeyri-sağlam mühit yaradır.

O da bildirilir ki, yaranan vəziyyətlə bağlı aidiyyatı qurumlar dəfələrlə doğum evinə gələrək X. Binnətzadəyə ciddi xəbərdarlıq ediblər.

İddialarla bağlı Xeberle.com olaraq 2 saylı doğum evinin baş həkimi Xədicə Binnətzadənin münasibətini öyrənmək istədik. Dəfələrlə zəng edilməsinə baxmayaraq cəhdimiz nəticəsiz qaldı.

Sumqayıt şəhər Səhiyyə Şöbəsinin müdüri Səkinə Sadıxova isə Xeberle.com-a vəziyyətdən xəbərsiz olduğunu və məsələni araşdıracağını bildirdi.

Xatırladaq ki, X. Binnətzadə 2017-ci ilin mart ayından doğum evinin baş həkimidir.