Sumqayıt Regional Mədəniyyət İdarəsinə tabe olan müəssisələrdə təhsil alan şagirdlər yüksək səviyyəli müsabiqədə uğur qazanıb.
Sumqayıt şəhər Qara Qarayev adına 1 nömrəli uşaq musiqi və Abşeron rayon Ceyranbatan qəsəbə Uşaq incəsənət məktəblərinin şagirdləri "Payız əfsanələri 2021” beynəlxalq müsabiqəsində uğur əldə ediblər.
Belə ki, yarışa Q. Qarayev adına məktəbin 5 şagirdi qatılaraq, onlardan Səid Vəlizadə, Aysu Məmmədzadə 2-ci yerə, İnci Vəlizadə 3-cü yerə, Nəzrin Rüstəmova, Ayla Pənahova, Əli Cəlilzadə isə laureat adını qazanıb. Onları bu müsabiqəyə müəllimələri Esmira Əliyeva və Lamiyyə Şahbazova hazırlayıb.
Sözügedən müsabiqədə Ceyranbatan qəsəbə Uşaq incəsənət məktəbinin şagirdləri Saz ixtisası üzrə Murad Əmirli isə 2-ci yerə, fortepiano üzrə Elnur Quliyev 3-cü yerə, Duyğu Bəşirli, Aysu Xudiyeva laureat adını qazanıblar. Şagirdlərin bu müsabiqədəki, uğurlarında müəllimləri Elçin Hacıyev, Yeganə Həsənova, Gülnaz Babayevanın əməyi danılmazdır.
Xəbərdən istifadə edərkən istinad etmək vacibdir.
