Sumqayıt şəhərində 4 və 39 nömrəli məktəblərin qarşısına sahibsiz itlər toplanması barədə videogörüntü yaymışdıq. İctimaiyyət arasında mövzu ilə bağlı müzakirələr hər gün daha da artır. Sakinlərin sözlərinə görə, mövcud vəziyyət hər gün təkrarlanır. Problemlə əlaqədar dəfələrlə aidiyyəti qurumlara şikayət etsələr də, heç bir tədbir görülmür.
Məsələ ilə bağlı Sumqayıt Şəhər İcra Hakimiyyətindən Baku TV-yə bildirilib ki, Sumqayıt şəhərində sakinlərin təhlükəsizliyinin təmin edilməsi məqsədilə davamlı olaraq sahibsiz itlərin götürülməsi və sığınacaqlara yerləşdirilməsi işləri həyata keçirilir: "Eyni zamanda sahibsiz itlərin peyvəndlənməsi işləri aparılır. Sumqayıt Şəhər İcra Hakimiyyəti tərəfindən aidiyyəti qurumlara tədbirlərin daha da gücləndirilməsi üçün tapşırıq verilib”.
Xəbərdən istifadə edərkən istinad etmək vacibdir.
