İusus Xristosun Yerusəlimdəki  məbədi xristianların ən müqəddəs yeri sayılır. Xristianlar hesab edirlər ki, İusus Xristos məhz orda dəfn olunub. Amma, məbədin qapılarının açarı müsəlmandadır. 
Vaşinqton Postun yazdığına əsasən, bu 1600 il  əvvəl tikilmiş məbədin qalmaqallı tarixilə bağlıdır. 335-ci ildə tikilmiş bu məbəd 1810-cu ildə yandıqdan sonra təmir edilmiş və indiki görkəmini almışdır. Yüzilliklər ərzində məbəd 6 xristian icmasının  hüquqi nəzarətində olub- roma-katolik, yunan-provaslav, erməni –apostol, Suriya-provaslav, efiop-provaslav və misir koptlarının.
Bu təriqətlər arasındakı ziddiyyət məbədin ucaldılmasından bu günədək davam edir və etirazlara , küçə davalarına , dağıntılara səbəb olub. 2009-cu ildə erməni və yunan provaslav ruhaniləri arasındakı dava İsrail polisinin müdaxiləsindən somra yatırılmışdı. Nəhayət, xristianlar aralarındakı barışmaz ziddiyəti həll etmək üçün qərara gəliblər ki, məbədə xidmət   yaxınlıqda yaşayan iki müsəlman ailəsinə etibar edilsin. Cudeh ailəsi məbədin açarlarına sahib olduqdan sonra hər səhər qapıları açır, axşamlarsa bağlayır. Bu qayda bu günədək davam edir. Açarlara nəzarət edən Adib Cudeh İsa peyğəmbərin məbədini islam və xristianlığın mövcudluğunun simvolu hesab edir.
O deyir ki, xristian monaxlar aralarında fikir ayrılığı olanda məbədə cavabdeh olan müsəlmanlar imkan daxilində onları sakitləşdirir, problemi yoluna qoyurlar. "Biz bu məbəddə neytral adamlarıq. Biz Birləşmiş Millətlər Təşkilatı kimiyik,  bu müqəddəs yerdə sülhü qoruyuruq"(Moderator.az)

Xəbərdən istifadə edərkən istinad etmək vacibdir.