İnsan qanına susamış xərçəngi bəsləmək təhlükəlidir

Suriya məsələsi gündəmə gələndən sonra, özlərini əsl müsəlman kimi göstərməyə çalışan, qayəsi terror, zorakılıq, fitnə, təkfir olan vəhhabilər əsl üzlərini göstərdilər. Bu vaxta qədər edilən terrorlar müəyyən terrorçu qruplara aid edilirdisə, Suriya müharibəsi başlayandan bilməyənlərə də əyan oldu ki, vəhhabilərin cəmi terrorçuluqdur. Heç vaxt İslam qeyrəti çəkməyən, dinin müdafiəsinə qalxmayanlar, bir neçə ildir hegemon ölkələrin maraqlarını tam müdafiə edir. Ən ali dəyərlərə belə hörmət etməyən, müsəlamlanlara qarşı böyük güclər tərəfindən yaradılmış bu terror qruplaşması, elə bu güclərin “kənizləri” tərəfindən məzhəb olaraq, göstərilməyə səy göstərildi. Qismən buna nail oldular. Savadsız insanlar sələfiliyi yaraqlı dəstə kimi yox, məzhəb kimi qəbul etdi, onlara inandı.

Bu “kənizlər” yerli mətbuatımızda da az deyil. Adlarını sadalamaq istəmirəm. Amma vəhhabilərin təbliğat maşını rolunu idarə edənlər bilmirlər ki, düşmən tərəfindən yaradılmış insanlıqdan kənar zombilər, gec-tez zəhərini onlara tərəf də döndərəcək. Bu gün Suriyada baş verənlərin, sabah əhalisinin şiə faizinə görə dünyada ikinci ölkə olan Azərbaycanda baş verməyəcəyinə heç kim sığorta verə bilməz. İndi siz məsum, günahsız kimi göstərmək istədiyiniz bu kamikadzelər, terrorçular sabah sizin uşaqlarınıza rəhm etməyəcək. Sabah sizin ahıl valideynlərinizin göz yaşına baxmadan dilini, qulağını kəsəcək, edam edəcək və ya başını bədənindən ayıracaq. Əfqanıstanda, Pakistanda, İraqda, Suriyada yaşayanlar da eyni ilə bizim kimi insanlardır. Onlara qarşı hər cür zorakılığa əl atan bu terrorçu qruplaşmanın silahı sabah sənə qarşı doğrulmayacaqmı?!

Bu gün özünü radikalizmdən uzaq göstərmək istəyən potensial terrorçunu təbliğ etmək gələcəkdə qarşısı alına bilməyəcək problemlər yaradacaq. Düşünmürsünüz ki, gələcək üçün terrorçu yetişdirmək lazımdır. Bunu güya radikallıqdan uzaq olan vəhhabilər həyata keçirir. Elə zahirdə liberal vəhhabilər gətirdilər bura bu terror mədəniyyətini.

Əgər batili haqq kimi göstərmək sizə vəzifə edilibsə, bu nahaq işin sizə verəcəyi təhlükədən qorxun! Məsələyə axirət prizmasından baxmaq qalsın hələ bir yana. Çünki axirətə inamınız olsaydı, zatən terrorçunu güllü-çiçəkli, mücahid kimi göstərməzdiniz.

Ötən günlərdə təkfirçi sələfilər barədə oxuduğum xəbər isə mənim nəfəsimi kəsdi: “Şiələrin İmam Mehdisi zühur edəcək. Onu öldürməyə gedirik. Onu və onunla birlikdə gələn İsanı.”

Müəyyən missiyalar üçün yaradılmış bu zombilər, Hollivudun fantastik kinolarında göstərilən canilərdən fərqlənmir. Amalı, hədəfi olmasa da, müəyyən sifarişlər əsasında edə bilməyəcəkləri heç bir şey yoxdur. Hətta zamanın İmamını öldürmək belə olsa… İnsanları öldürməklə ürəkləri soyumayan terrorcuların qəbir dagıtmaları da heç təəccüblü gəlməməlidir.

Sonda həmkarlarıma səslənirəm ki, gələcəkdə sizin qapınızı döyə biləcək terrorçuları cəmiyyətə mələk kimi sırımayın! Yoxsa yanarsınız, yandırarsınız.

/islamazeri.az/

 Tural Əli