Xeberle.com-un qafqazinfo-ya istinadən məlumatına görə, səs yazısında dəniz işçisi təhlükəli hidrometeoroloji hadisə haqqında xəbərdarlıq edib.

"Martın 30-dan 31-i günün ikinci yarısına qədər şimal-qərb, şimal küləyinin 19-24, arabir 28-30 metr saniyəyədək güclənəcəyi gözlənilir. Açıq dənizdə arabir 35-38 metr olacaq. Dalğanın hündürlüyü 2,5-4,5 m, sonrakı iki həftə dalğanın hündürlüyü 5,0-8,0 m və daha da çox olacaq”, - deyə məlumatda bildirilir.

Bu məqamda qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, martın 30-dan 31-i gündüzədək Abşeron yarımadasında havanın ötən günlə müqayisədə təzadlı dəyişəcəyi, atmosfer təzyiqinin xeyli yüksəlməsi fonunda güclü xəzri küləyinin əsəcəyi və temperaturun 5-10 dərəcə aşağı enəcəyi gözlənilir.