"Xəzər və Aral dənizlərini xilas etmək üçün müxtəlif ölkələrdən könüllülər dəvət olunub".
Xeberle.com məlumat verir ki, bu barədə Qazaxıstan Prezidenti Kasım-Jomart Tokayev deyib.
Prezidentin sözlərinə görə, beynəlxalq inteqrasiyanı artırmaq vəzifəsi qarşıya qoyulub: "Qazaxıstan BMT-nin Könüllülər proqramında iştirak edir. Bu, vətəndaşlarımıza qlobal könüllü strukturlarında unikal təcrübə qazanmağa imkan verir.
Xəzər dənizində bir həftəlik fəaliyyət və Aral dənizi yaxınlığında təbiətin bərpası üçün beynəlxalq könüllülər həftəsinin keçirilməsi planlaşdırılır. Bu toplantılara müxtəlif ölkələrdən könüllülər dəvət olunacaq. Mən geniş regionumuzun unikal ekosisteminin qorunmasına yönəlmiş bu təşəbbüsləri dəstəkləyirəm".
Xəbərdən istifadə edərkən istinad etmək vacibdir.
