Azərbaycan ərazisində növbəti iki gündə müşahidə olunacaq hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova açıqlamasında deyib ki, aprel ayının 3-də əksər rayonlarda hava şəraitinin əsasən yağmursuz keçəcəyi gözlənilir, lakin gündüz bəzi qərb rayonlarında qısa müddətli yağış yağacağı ehtimalı var: "Növbəti günlərdə ölkə ərazisində havanın temperaturunda mühüm bir dəyişiklik gözlənilmir".
Onun sözlərinə görə, aprel ayının 4-ü gündüzdən etibarən hava şəraitinin arabir yağışlı olacağı gözlənilir.
Direktor qeyd edib ki, növbəti iki-üç gündə ölkə ərazisində şərq küləyi əsəcək.(Report)

Xəbərdən istifadə edərkən istinad etmək vacibdir.