Bu gün gündüz saatlarından başlayaraq, əksər rayonlarda yağıntının kəsəcəyi, 14-ü və 15-də hava şəraitinin yağmursuz keçəcəyi gözlənilir.
Bu sözləri Xəbərlə.com-a açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova söyləyib. O bildirib ki, yaxın bir neçə gün ərzində havanın temperaturu yüksələcək:
"Havanın temperaturu bu günlə müqayisədə 15-i və 16-sı tədricən yüksələcək. Eləcə də yaxın 2-3 gün ərzində paytaxtda və bölgələrimizdə hava şəraiti yağmursuz keçəcək, mülayim cənub-şərq küləyi əsəcək. Havanın temperaturu bu gündən etibarən paytaxtda 23-27 dərəcəyə çatacaq. Sonrakı günlərdə isə temperatur 30-31 dərəcə təşkil edəcək”.