Bu gün və xüsusilə sabah Yer kürəsi maqnit qasırğasının təsirinə məruz qalacaq.
Oktyabrın 20-si qasırğanın gücü 5 balla qiymətləndirilir və bu kifayət qədər güclü göstərici sayılır.
Mütəxəssislər xəbərdarlıq edir ki, maqnit qasırğası bir çox insanın psixo-emosional vəziyyətinə ciddi təsir edə, depressiya, apatiya və zəifliyə səbəb ola bilər. Lakin bəzi insanlarda hirs və aqressiya kimi hisslərin əmələ gəlməsi də mümkündür.
Xeberle.com Rusiya KİV-lərinə istinadla xəbər verir ki, bütün bu dəyişikliklər orqanizmdə maqnit qasırğası zamanı serotonin hormonunun kəskin düşməsi ilə bağlıdır. Serotonin hormonu bizim yaxşı əhvalımıza cavabdehdir.
Hipetoniya və ürək-damar sistemi xəstəliklərindən əziyyət çəkənlər də özünü pis hiss edə bilər.
Xroniki ağrılardan əziyyət çəkənlərdə ağrıların kəskinləşməsi müşahidə oluna bilər.
Mütəxəssislər maqnit qasırğası zamanı daha az işləməyi və çox dincəlməyi, yatmağı tövsiyə edirlər.
Xəbərdən istifadə edərkən istinad etmək vacibdir.
