Bəzi yerlərdə yağıntı aylıq iqlim normasından artıq gözlənilir.Ekologiya və Təbii Sərvətlər Nazirliyi dekabr ayına olan hava proqnozunu açıqlayıb.Nazirliyin Milli Hidrometeorologiya Departamentindən Oxu.Az-a verilən məlumata görə, aylıq yağıntının miqdarının iqlim normasına yaxın, bəzi ərazilərdə isə iqlim normasından bir qədər çox olacağı ehtimalı var.Bakıda və Abşeron yarımadasında orta aylıq temperatur 4-7 dərəcə isti gözlənilir ki, bu da iqlim normasından bir qədər aşağıdır. Gecələr 1-5 dərəcə isti, ayrı-ayrı günlərdə 0-4 dərəcə şaxta təşkil edəcək. Gündüzlər 5-10 dərəcə isti, bəzi günlərdə 2 dərəcə şaxtadan 2 dərəcəyədək isti olacaq. Aylıq yağıntının miqdarının iqlim normasına yaxın, bəzi yerlərdə isəbir qədər çox (norma 25-34 mm) olacağı gözlənilir.

Naxçıvan Muxtar Respublikasında orta aylıq temperatur 5-8 dərəcə şaxta gözlənilir ki, bu da iqlim normasından aşağıdır. Gecələr 9-14 dərəcə şaxta, bəzi günlərdə 18-23, ayın sonunda 25-28 dərəcə şaxta gözlənilir.Yuxarı Qarabağ: Xankəndi, Şuşa, Xocalı həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında orta aylıq temperatur 0-5 dərəcə şaxta gözlənilir ki, bu da iqlim normasından aşağıdır.

Qazax-Gəncə, Goranboy, Tərtər, Ağdam, Füzuli, Cəbrayıl rayonlarında orta aylıq temperatur -2 dərəcə şaxtadan 3 dərəcəyədək isti gözlənilir ki, bu da iqlim normasından aşağıdır. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında isə orta aylıq temperatur 0-5 dərəcə şaxta gözlənilir ki, bu da iqlim normasından aşağıdır. 
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperatur 0-5 dərəcə isti gözlənilir ki, bu da iqlim normasına yaxın və bir qədər aşağıdır.
Masallı, Yardımlı, Lerik, Lənkəran, Astara rayonlarında orta aylıq temperatur 0-5 dərəcə isti gözlənilir ki, bu da iqlim normasına yaxın və bir qədər aşağıdır.