İlham Əliyev dekabrın 14-də Avropa İttifaqı Şurasının prezidenti Şarl Mişel ilə görüşüb. Görüşdə Ermənistanla Azərbaycan arasında münasibətlərin normallaşmasına dair Avropa İttifaqının dəstəyi vurğulanıb. Eyni zamanda, Azərbaycan - Ermənistan sərhədinin delimitasiyası və demarkasiyası ilə bağlı məsələlər müzakirə olunub.

Həmin gün İlham Əliyev NATO-nun Baş katibi Yens Stoltenberq ilə görüşüb. NATO-nun Baş katibi Azərbaycanın Alyansın dəyərli tərəfdaşı olduğunu bildirib və Azərbaycan Silahlı Qüvvələrinin Əfqanıstanda həyata keçirilən "Qətiyyətli dəstək” əməliyyatlarında xidmətlərini yüksək qiymətləndirib. Söhbət zamanı həmçinin münaqişədən sonrakı dövrdə regional problemlər ətrafında fikir mübadiləsi aparılıb.

"Biz cənab Baş katiblə Cənubi Qafqazda postmüharibə vəziyyətini müzakirə etdik. Azərbaycan sülhə, sabitliyə və proqnozlaşdırılmaya sadiqdir. Bizim səylərimiz regionda hər hansı yeni müharibə risklərinin minimuma endirilməsi məqsədi daşıyır. Bunun üçün ən yaxşı yol kommunikasiyaların açılması, aktiv dialoqun qurulması və yenidən qonşu olmağı öyrənməkdir. Bizim siyasətimiz çox açıq və aydındır. Ümidvaram ki, əgər Ermənistan tərəfindən xoş məram olsa, biz təklif etdiyimiz kimi iki ölkə arasında sülh razılaşması üzərində işləyə və düşmənçiliyə son qoya bilərik”, - deyə Azərbaycan Prezidenti vurğulayıb.

Jurnalist məqaləsində qeyd edib ki, Azərbaycan Ermənistana qarşı çox mehribandır və dialoqa hazırdır.

Görüşdə Zəngəzur dəhlizi mövzusu da müzakirə olunub.

Prezident İlham Əliyev bildirib ki, Yerevan Zəngəzur dəhlizində gömrük məntəqələrinin quraşdırılmasında israrlı olsa, o zaman Bakı Laçın dəhlizində də eyni şərtlərdə israr edəcək. Əlbəttə, bu bir şərtdir. Jurnalist Azərbaycan prezidentinin sözlərini şərh edərək bildirib ki, buna baxmayaraq, nəzərə almaq lazımdır ki, Ermənistan da bu məsələdə razılığa gəlməlidir, bundan sonra İran və Rusiyaya çıxış əldə edəcək, bu da  onun iqtisadiyyatına və vətəndaşlarının həyatına müsbət təsir göstərəcək.

Daha sonra, NATO-nun Şimali Atlantika Şurasının iclası keçirilib. Burada Prezident İlham Əliyev Vətən müharibəsindən sonra regionda yaranmış yeni geosiyasi vəziyyət, Azərbaycanın Ermənistanla sülh müqaviləsi üzrə danışıqlara başlamağa hazır olması, sərhədlərin delimitasiyası və demarkasiyası prosesinə hazırlıq barədə bir daha ətraflı danışıb. NATO-ya üzv dövlətlər də öz növbəsində Azərbaycanın ərazi bütövlüyünü bir daha dəstəkləyib.

Qeyd edək ki, Brüsselə təkcə Azərbaycan prezidenti İlham Əliyev deyil, Ermənistanın baş naziri Nikol Paşinyan da gəlib. Görüş Avropa İttifaqı Şurasının Prezidenti Şarl Mişelin iştirakı ilə baş tutub. Şarl Mişel ölkələr arasında hərtərəfli sülh müqaviləsinin imzalanmasına çağırıb. Aİ-nin gündəliyinə itkin düşmüş şəxslər mövzusu da daxil edilib. Qeyd edək ki, Şarl Mişel azad edilmiş ərazilərdə humanitar minatəmizləmə səylərini dəstəklədiyini bildirib.

Eyni zamanda, sərhədlərin demarkasiyası və delimitasiyası prosesində Aİ tərəfindən məşvərətçi statusda dəstək verməyə hazır olduğunu bildirib. Zəngəzur dəhlizinə gəlincə, Ermənistan tərəfi öz ərazisindən dəmir yolu çəkməyə razı olduğunu təsdiqləyib.

"Yaxşı, ümid edək ki, bütün bəyanatlar tezliklə icra olunacaq və təkcə kağız üzərində qalmayacaq. Bu səylər sayəsində Qarabağ bölgəsi tez bir zamanda bərpa olunacaq”, - deyə jurnalist Yekaterina Şokina qeyd edib.

 Rus və Rumın dillərində ətraflı məlumat: 

https://tribuna.md/2021/12/15/ilham-aliev-la-bruxelles-scopul-eforturilor-noastre-este-de-a-minimiza-orice-risc-al-unui-nou-razboi-in-regiune/

https://tribuna.md/ru/2021/12/15/ilham-aliev-la-bruxelles-scopul-eforturilor-noastre-este-de-a-minimiza-orice-risc-al-unui-nou-razboi-in-regiune/