Jurnalist Aygün Hacıyevanın təsisçisi və rəhbəri olduğu təşkilatın xətti ilə, Ulu Öndərin 101-ci ildönümü çərçivəsində, 24.10.1882-ci il tarixdə dünyaya gələn və 142 yaşı qeyd olunan tanınmış Azərbaycan şairi, yazıçı və dramaturq, milli ədəbiyyatımızda romantik şeirin və mənzum faciənin banisi Hüseyn Cavidə həsr olunan "Repressiya qurbanlarına Heydər Əliyev qayğısı; Hüseyn Cavıdı anırıq"adlı tədbir 25.10.2024-cü il tarixdə Sumqayıt Şəhər Heydər Əliyev Mərkəzində uğurla həyata keçdi. Tədbirin əsas qəhrəmanı isə, Heydər Əliyevin tapşırığı ilə, uzaq Sibirin İrkutsk vilayətinin Tayşet rayonunun Şevçenko kəndinin məzarlığında uyuyan şairin nəşinin doğma Vətənə gətirilməsi üçün yaradılan komissiyaya sədrlik edən, Azərbaycan KP Naxçıvan Vilayət Partiya Komitəsinin büro və plenum üzvü, İdeoloji iş üzrə Vilayət Partiya Komitəsinin katibi olmuş polkovnik Həmid Cəfərov idi.

Tədbirdən əvvəl Ulu Öndərin əziz xatirəsi yad edildi, abidəsi önünə gül-çiçəklər qoyuldu. Daha sonra tədbir iştirakçıları foto-sərgi ilə; burada H.Cəfərovun dahi şəxsiyyətlərə həsr etdiyi, özünün şəxsən yaratdığı foto-albomlarla, arxiv sənədləri ilə tanış oldular.

Dövlət Himni səsləndikdən sonra, Aygün Hacıyevanın aparacılığı ilə, Azad və Bütöv Azərbaycan naminə, tarix boyu canlarını qurban vermiş Şəhidlərimizin, tarixdə görünməmiş bir ZƏFƏRə imza atan və bu, Anım günlərində yad edilən Qəhrəmanlarımızın əziz xatirəsi bir dəqiqəlik sükutla yad edildi.

Həmid müəllimi yaxından tanıyan, dostları olan qonaqlar onun haqqında ürək sözərini söylədikdən sonra, Ulu Öndərə və Hüseyn Cavidə həsr olunan film nümayiş olundu.

Daha sonra söz H.Əliyevin tapşırığını şərəf və böyük məsuliyyət hissi ilə həyata keçirən polkovnik Həmid Cəfərova verildi. Xatirələr yada düşdü, ötən günlərin ağrı-acılı anları vərəqləndi...

Həmid müəllimə ünvanlanan suallar bir-birindən maraqlı oldu. Diskussiya şəraitində davam edən tədbirdə hər bir iştirakçı fikrini söyləmək imkanı əldə etdi. Şəhid ailələrinin aktiv iştirakı tədbiri daha da gözəlləşdirdi, mənalandırdı.

Səslənən ünvanlı şeirlər tədbirə xüsusi rəng qatdı.

Sonda A.Hacıyeva dəvətini qəbul edib tədbirə gələn bütün dəyərli İnsanlara; başda Şəhid ailələri olmaqla, müəssisə və təşkilat rəhbərlərinə, iş adamlarına, QHT rəhbərlərinə, qələm əhlinə, dostlara, həmkarı olan media nümayəndələrinə... - bütün Cavidsevərlərə, həmçinin üzürlü səbəbdən tədbirdə iştirak edə bilməyəcəyini söyləyib üzrxahlıq edənlərə, tədbirdə iştirak edə bilməyib nümayəndəsini göndərənlərə öz təşəkkürünü bildirdi. Qeyd etdi ki, belə görüşlər mütamadi keçirilməli, Həmid Cəfərov kimi "CanlıTarix” olan şəxsiyyətlər yada salınmalı, gərəkli informasiyalardan hər kəs bəhrələnməlidir.

A.Hacıyeva, belə bir tədbirin həyata keçməsinə razılıq verən Mədəniyyət naziri Adil Kərimliyə, həmçinin Abşeron-Xızı Regional Mədəniyyət İdarəsinin rəisi Ramil bəyə, hər zaman dəstəyini əsirgəməyən rəis müavini Həsrət Sabirliyə, Heydər Əliyev Mərkəzinin direktoru Vüsalə Qurbanovaya minnətdarlığını bildirdi. O, Mərkəzin əməkdaşı, səs rejissoru Vüqar bəyə, həmkarı foto-müxbir, peşəkar operator Əli Əliyevə və zəhməti keçən hər kəsə təşəkkür etdi.

Aygün Hacıyeva:"Günün qəhrəmanı, sadəliyi və səmimiliyi iıə seçilən, böyük ürək sahibi, həddən artıq duyğusal olan dəyərli ziyalımız, şərəfli ömür yolu hər birimiz üçün boyük məktəb olan əsl İNSAN - polkovnik Həmid Cəfərova, ailəsi ilə birlikdə, Uca Allahdan cansağlığı, uzun ömür diləyir, "Hələ görüləcək işlərimiz çoxdur, YENİDƏN GÖRÜŞƏNƏDƏK! Özünüzü mütləq qoruyun, Həmid müəllim!" deyirəm.

Fürsətdın istifadə edib, gündən-günə gözəlləşən QƏHRƏMANLAR ŞƏHƏRİ Sumqayıtın təəssübkeşi olan, şəhərin inkişaf tarixində əvəzsiz xidməti ilə seçilən, hər kəsin hörmət və sevgisini qazanan Şəhər rəhbəri Zakir Fərəcova, sumqayıtlılara göstərdiyi diqqət və qayğıya, yaratdığı gözəl şəraitə görə, "ÇOX SAĞ OLUN!" deyir, sağlam ömür, məsuliyyətli işində uğurlar diləyirəm!

Bütün Sumqayıtlıları, Sumqayıtsevərləri, şəhərin 75 illik Yubileyi münasibəti ilə bağlı, qabaqcadan ürəkdən təbrik edir, ən xoş arzularımı bildirirəm.

İnanıram ki, təşkilatımızın xətti ilə, bundan sonra da bir çox uğurlu layihələrə imza atacağıq!”.

Tədbirin sonunda xatirə şəkilləri çəkilərək tarixin yaddaşna həkk olundu.

Xeberle.com