Sabah Bakıda və Abşeron
yarımadasında hava şəraiti dəyişkən buludlu olacaq, əsasən yağmursuz
keçəcək. Gecə və səhər bəzi yerlərdə zəif duman olacaq. Mülayim cənub
küləyi əsəcək.
Milli Hidrometeorologiya Xidmətindən Xeberle.com-a verilən məlumata görə, havanın temperaturu gecə 14-19 isti, gündüz
24-29 isti, Bakıda gecə 17-19 isti, gündüz 27-29 dərəcə isti olacaq.
Atmosfer təzyiqi norma daxilində 761 mm civə sütunu təşkil edəcək. Nisbi
rütubət gecə 70-80 , gündüz 40-45 faiz olacaq.
Azərbaycanın rayonlarında hava şəraitinin əsasən yağmursuz keçəcəyi
gözlənilir. Lakin gündüz bəzi dağlıq ərazilərdə şimşək çaxacağı,
qısamüddətli yağış yağacağı ehtimalı var. Səhər bəzi yerlərdə duman
olacaq. Şərq küləyi əsəcək. Havanın temperaturu gecə 15-20 isti, gündüz
28-33 isti, dağlarda gecə 10-15 isti, gündüz 19-24 dərəcə isti olacaq.
Tibbi-meteoroloji proqnoza gəlincə, mayın 15-də Abşeron yarımadasında
meteoroloji amillərin zəif tərəddüdü gözlənilir ki, bu da meteohəssas
insanlar üçün əlverişlidir.
Xəbərdən istifadə edərkən istinad etmək vacibdir.
