ARB TV xəbər verir ki, Abşeron Rayon Polis İdarəsinin əməkdaşları Sumqayıt şəhərində "VAZ 2107" markalı avtomaşını oğurlayan şəxsi saxlayıb.
Məlum olub ki, avtomobili oğurlayan şəxs əslən Qubadlı rayonundan olub, paytaxtın Binəqədi rayonunda yaşayan İmdad Məmmədovdur. İstintaq zamanı dindirilən İmdad hadisəni törədən zaman içkili olduğunu deyir. Oğurladığı avtomobil isə elə öz tanışının olub.
Saxlanılan şəxs: ""07" aparmışam. İçkili olmuşam və sürmək məqsədiylə götürüb sürmüşəm. Gənclər şəhərciyinin yanında benzin qurtardı. Polis saxladı sənədləri soruşdu, amma sənədlərim yox idi".
30 yaşlı İmdad Məmmədov əvvəllər də Azərbaycan Respublikasının Cinayət Məcəlləsinin müxtəlif maddələri ilə məhkumluq həyatı yaşayıb. Artıq faktla bağlı Abşeron Rayon Polis İdarəsində cinayət işi başlanıb araşdırma aparılır.
Xəbərdən istifadə edərkən istinad etmək vacibdir.
