Ermənistan polisi insan alveri halları barədə videomaterial yayıb.
Materialda belə vəziyyətdə olan şəxslərin çox vaxt susmağa üstünlük verdikləri deyilir.
"Susqunluğun isə müxtəlif səbəbləri var – qorxu, maddi asılılıq”, - polisdən vurğulanır.
Polisin məlumatında bu çoxsaylı faktlardan birinə diqqət çəkilib: Razdana sakini, 5 uşaq anası özünə iş və yaşayış yeri axtararkən bir ferma sahibinin köləsinə çevrilib. O, sahibkara olan ərzaq borcu qarşılığında 10 ay simvolik rəqəmə (60 dollara) işləyib və pasportu əlindən alınıb.
Polisin apardığı araşdırmalardan sonra məlum olub ki, qurban qismində dindirilən Saakanuyş özünü çox şübhəli aparır. Polis sözügedən qadının 5 deyil, 6 övladı olduğunu, lakin qadının sonuncu övladını satdığını öyrənib.
Qadın bu faktı təsdiqləyib və doğum evində ikən körpəsini 430 min drama (900 dollara) satıb.(Axar.az)

Xəbərdən istifadə edərkən istinad etmək vacibdir.