Cəzanı çəkməyə ömürlər yetməz.
Yeni il gecəsi İstanbulda "Reina” gecə klubuna hücum edərək, 39 nəfəri öldürən İŞİD terrorçusu Abdulkadir Maşaripova istənilən cəza açıqlanıb. İstiPress-in "Hurriyet"ə istinadən verdiyi xəbərə görə, İstanbul prokuroru terrorçuya 40 dəfə ağırlaşdırılmış ömürlük həbs cəzası tələb edib.
Bu, 2 min 370 il həbs deməkdir. Terrorçunun həyat yoldaşı Zarina Nurullayevaya da 1 540 ildən 2 min 370 ilə qədər həbs cəzası istənilib. Digər 52 şübhəlinin hər birinə isə 15 ilə qədər həbs cəzası tələb olunub.
Cinayət işi İstanbul Ağır Cinayətlər Məhkəməsinə göndərilib.

Xəbərdən istifadə edərkən istinad etmək vacibdir.