"Sumqayıtda 7869 cinayət üzrə ilkin yoxlama aparılıb, 621
halda cinayət işi başlanılıb, 6338 halda isə cinayət işinin başlanılması rədd
edilib. Axtarışda olan şəxslərin vaxtında tutulub istintaqa və məhkəmə
orqanlarına təqdim edilməsi cinayətkarlıqla mübarizədə vacib olan amillərdən
biridir. Narkotik vasitələrin dövriyyəsi üzrə 103 fakt qeydə alınıb, onlardan
17 –si alqı-satqı, bütövlükdə isə 97 nəfər şəxs barəsində 90 cinayət işi açılıb və baxılması üçün müvafiq məhkəmələrə göndərilib".
Xeberle.com xəbər verir ki, bu sözləri 2018-ci ilin sosial-iqtisadi inkişafının
yekunlarına və qarşıda duran vəzifələrə həsr olunmuş hesabat yığıncağında
çıxışı zamanı Sumqayıt şəhər prokuroru Sərdar İmanov deyib.
Şəhər prokurorunun sözlərinə görə, hesabat dövründə şəhər prokurorluğuna
1300 müraciət daxil olub, həmin müraciətlərdən
162 –si təmin olunub, 438-i qəbul edilərək icra olunması üçün baxılıb: "Görülən işlər çox olsa da fəaliyyətimizdə
müsbət nəticələr olsa da, işimizdə hələ
də nöqsanlar var. ilk növbədə narkotik vasitələrin qanunsuz dövriyyəsi ilə
bağlı aparılan işlər günün tələblərinə cavab vermir".
Xeberle.com
Xəbərdən istifadə edərkən istinad etmək vacibdir.
