Xəbər verdiyimiz kimi, bu gün
Sumqayıt şəhərində qətl hadisəsi törədilib.
Xeberle.com-un məlumatına
görə, Fövqəladə Hallar Nazirliyinin Sumqayıt Regional Mərkəzində xilasedici
vəzifəsində işləyən 10-cu mikrorayon
sakini 1984-cü il təvəllüdlü Kərimov
Emin Vəli oğlu iş yerində bıçaqlanıb. Ağır yaralanan E. Kərimov xəstəxanada
dünyasını dəyişib.
Faktla bağlı Sumqayıt şəhər Prokurorluğunda Cinayət Məcəlləsinin
120.1-ci (qəsdən adam öldürmə) maddəsi ilə cinayət işi başlanıb. Həyata
keçirilmiş təxirəsalınmaz istintaq hərəkətləri və əməliyyat-axtarış tədbirləri
nəticəsində qətli törədən 2-ci mikrorayon sakini Ş. İbrahimov şübhəli şəxs
qismində saxlanılıb.
Hazırda cinayət işi üzrə
zəruri istintaq tədbirləri davam etdirilir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
