"Sum Modern Dental Clinic"in baş həkimi Şahin Baxşəliyevin bacısı Tamam Baxşəliyeva qardaşının bıçaqlanması ilə bağlı açıqlama verib. Tamam Baxşəliyeva baş verən hadisənin təfərrüatı barədə danışıb:
"Hazırda qardaşımın vəziyyətiylə bağlı həkimlər heç nə demir. Yeddi bıçaq yarası var, oksigenlə nəfəs alır, ayılmayıb. Həkimlər ayılmağına icazə vermirlər. Çünki yaraları çox genişdir. Qarın boşluğu, böyrək və ağciyərindən ümumilikdə yeddi bıçaq yarası var. Klinikada çalışan qızları təhqir edirmiş. Qardaşım çağırıb deyib ki, belə eləmə, işdən azad ediləcəksən. O da çıxıb gedib, fırlanıb, bıçaqla gəlib. Bilmirəm, nəşələnib, yoxsa nə qəbul edib".
Məlumata görə, hadisə 1-ci mikrorayon ərazisində yerləşən "Sum Modern Dental Clinic”də baş verib. Belə ki, stomatoloji klinikanın həkimi Pərviz İbrahimovla baş həkim Şahin Baxşəliyev arasında mübahisə yaranıb. Daha sonra İbrahimov baş həkimin otağına daxil olaraq onun qarın boşluğuna bir neçə bıçaq zərbəsi endirib.
P.İbrahimov saxlanılaraq istintaqa təhvil verilib.(olke.az)
Xəbərdən istifadə edərkən istinad etmək vacibdir.
