Xeberle.com-un məlumatına görə, hadisə şəhərin 17-ci mikrorayonunda yerləşən "Ən ucuz” market” in qarşısında baş verib. Belə ki, şəhər sakini Aslan Hacıverdiyev velosipedini marketin qarşısında saxlayaraq alış-veriş üçün obyektə daxil olub. Təxminən 10 dəqiqədən sonra geri qayıdan A. Hacıverdiyev velosipedinin yerində olmadığını görüb. O, bununla bağlı marketə müraciət edib və obyektin müşahidə kameralarına baxış keçirilib. Bu zaman məlum olub ki, marketin qarşısında var-gəl edən orta yaşı bir kişi velosipedi sürərək yaxınlıqdakı binaların arası ilə gözdən itib.

Oğurluq hadisəsi marketin müşahidə kameralarında anbaan əks olunub.

Qeyd edək ki, hadisə iyulun 13-də səhər saatlarında qeydə alınıb.