ABŞ Federal Təhqiqatlar Bürosu 2016-cı ildə
keçirilən prezident seçkilərinə qeyri-qanuni müdaxilə etməsi ittihamı ilə 13
Rusiya vətəndaşını rəsmi axtarışa verib.
Xeberle.comxəbər verir ki, bununla bağlı qurumun Twitter səhifəsində
məlumat yayılıb. Axtarışa verilənlərdən biri də 1990-cı ildə Sumqayıtda anadan olan Ceyhun Nəsimi oğlu
Aslanovdur.
Qeyd
edək ki, Ceyhun Aslanov 2014-cü ilin sentyabrından 2018-ci ilin 16 fevralınadək
ABŞ-da sosial media platformalarında əməliyyatlar aparan İnternet Tədqiqat Agentliyində (IRA) Tərcümə
layihəsinin rəhbəri vəzifəsində çalışıb.
Aslanov xaricə pul köçürmək üçün ABŞ maliyyə
qurumlarında saxta adlar altında hesab açmaqda, amerikalıların şəxsi
məlumatlarını onların xəbəri olmadan bank və PayPal hesabı açmaqda ittiham
olunur.
İttihamda qeyd olunur ki, C. Aslanovun bu hərəkətləri 2016-cı
il prezident seçkiləri də daxil olmaqla, ABŞ siyasi sisteminə müdaxilə məqsədi
ilə həyata keçirilib.
Rusiya
vətəndaşı olan C. Aslanov barəsində ABŞ Kolumbiya əyalət məhkəməsi tərəfindən 2018-ci
ilin fevralın 16-da həbs qərarı çıxarılıb.
FTB
C. Aslanovun yeri haqqında məlumat verən şəxsə 75000 dollar mükafat vəd edir.
Xədicə
Səxavətqızı
Xəbərdən istifadə edərkən istinad etmək vacibdir.
