Sumqayıtda bir sıra oğurluq hadisəsi törədən Rafiq Allahyarov 6 il müddətində azadlıqdan məhrum olunub.
Xeberle.com report-a istinadən xəbər verir ki, ittiham aktına əsasən, Allahyarov 2015-ci ildə zərərçəkmişin "Novxanı bağları”nda yerləşən bağ sahəsindən qanunsuz olaraq 91.800 manat dəyərində qumunu daşıtdırıb. Əlavə olaraq, o, ərazidə olan müxtəlif növ ağacları məhv edib. Bununla da, zərərçəkmişə daha 105.300 manat məbləğində ziyan vurub.
Həmçinin, araşdırma zamanı məlum olub ki, Rafiq 2019-cu ildə şirkətlərdən birinin sahibinin 76-cı məhəllədə fəaliyyət göstərən satış mərkəzindən 115.000 manatlıq traktorunu qaçırıb.
Bundan əlavə, o, həmin ərəfələrdə zərərçəkmişin "Qurd dərəsi” bağlarında yerləşən evindən ümumi dəyəri 6 930 manat məbləğində dəmir su çəni, dəmir boru, dəmir şveller, dəmir qapı, mişar daşı və. s əşyalar oğurlayıb.
Məhkəmədə dindirilən R.Allahyarov özünü qismən təqsirli bilib və əməllərindən peşman olduğunu bildirib.
Xəbərdən istifadə edərkən istinad etmək vacibdir.
