Sumqayıt şəhərində tanışını qətlə yetirməkdə təqsirli bilinən Rafael Quliyev məhkəməyə apellyasiya şikayəti verib.
Xeberle.com-un məlumatına görə onun şikayətinə Sumqayıt Apellyasiya Məhkəməsində hakim Rəşadət Ağayevin sədrliyi ilə keçiriləcək məhkəmə prosesində baxılacaq.
İş üzrə ilkin baxış iclası noyabrın 3-nə təyin olunub.
Qeyd edək ki, şəhər sakini 1983-cü il təvəllüdlü Nurəddin Quliyevin Sumqayıt Dəmiryol Vağzalının qarşısında öldürülməsi barədə şəhər prokurorluğuna məlumat daxil olub.
Aparılan araşdırmalarla müəyyən edilib ki, zərərçəkmişin tanışı, 2002-ci il təvəllüdlü Sumqayıt şəhər sakini Rafael Quliyev şəxsi münasibətlər zəminində aralarında yaranmış mübahisə zamanı bıçaqla Nurəddin Quliyevə çoxsaylı xəsarətlər yetirərək onu qəsdən öldürüb.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Rafael Quliyev şübhəli şəxs qismində tutularaq istintaqa cəlb edilib.
Xəbərdən istifadə edərkən istinad etmək vacibdir.
