"Reuters” agentliyi xəbər verir ki, Polşanın Valbjik şəhərində yerləşən firmanın iki müştərisi Üçüncü Reyxin qiymətli mallarla dolu qatarını tapdıqlarını iddia edirlər.
Valbjik şəhər dairə sovetinin sədri Marika Tokarska jurnalistlərə bildirib ki, hüquqşunaslar, hərbçilər, polis və yanğınsöndürənlər bu məsələ ilə məşğuldurlar. Sədr əlavə onu da edib ki, qeyd olunan sahədə əvvəllər axtarış aparılmayıb və ona görə də, nəyinsə tapılacağı məlum deyil.
O da bildirilir ki, 150 metrlik qatarda hərbi sursat, qiymətli daşlar və başqa qiymətli əşyalar olub. Qatar 1945-ci ildə qarət olunmuş yükləri Almaniyanın Breslau şəhərindən Berlin şəhərinə apararkən yolda yox çıxıb.
İkinci Dünya Müharibəsindən sonra Breslau şəhəri Polşanın tərkibinə daxil olub və Broçlav adlandırılıb. Şəhər ətrafında yaşayan sakinlər iddia edirlər ki, qatar Kcenj qəsri yaxınlığındakı tunelə daxil olub və bundan sonra həmin qatarı görən olmayıb.
Müharibədən sonrakı illərdə qatarı tapmaq üçün çox cəhdlər edilib. Lakin həmin cəhdlər heç bir nəticə verməyib.
Aygün Səfərli,
Musavat.com
Xəbərdən istifadə edərkən istinad etmək vacibdir.
