Google-da bu il Səudiyyə Ərəbistanında ən çox iş tapmaq və iş qurma layihəsi, Misirdə lisey imtahan nəticələri, Birləşmiş Ərəb
Əmirliklərində (BƏƏ) isə Avropa Futbol Çempionatı sözləri axtarılıb.
Google hər il olduğu kimi bu il də ölkələrə görə axtarış trendləri siyahısını açıqlayıb.
Google-un axtrış trendləri siyahısında ərəb ölkələri arasında Səudiyyə Ərəbistanı, Misir və Birləşmiş Ərəb Əmirliklərinin adı yer alıb. Axtarışlar müxtəlif kateqoriyalar üzrə qiymətləndirilərək ən çox axtarış sayına görə sıralanıb. Axtarış kateqoriyaları arasında ilin ən mühüm qlobal hadisələr, ən çox axtarılan sözlər və tanınmış şəxslər yer alıb.
Səudiyyə Ərəbistanlı gənclər və sahibkarlar 2016 ildə ən çox biznes qurmaq və iş tapmaq layihəsi olan "De" sözünü axtarıb. Sonra növbə ilə 2016 Rio Olimpiya Oyunları, Pokemon Go oyunu, Macid el-isanın "Barbs" adlı mahnısı, "Şebab Al Bomb 5" adlı televiziya serialı, dolların qiyməti, Şimali Şimşək hərbi dəstəsi, edam edilən Şiə din xadimi Nimr Nimrin adı, "Kor məhəbbət" serialı və Donald Trampın adı daha çox axtarılıb.
Misirdə isə universitetə qəbul olmaq üçün lisey imtahanının nəticələri, dolların kursu, Əl-Ustura (Əfsanə) adlı serial, 2016 Rio Olimpiya Oyunları və Pokemon Go oyunu ən çox axtarılan sözlər siyahısında yer alıb
.
Birləşmiş Ərəb Əmirliklərində ən çox axtarılan sözlər isə UEFA Avro 2016, Pokemon Go, Rio Olimpiya Oyunları, Donald Tramp və Ramazan sözləri olub.(Moderator.az)
Xəbərdən istifadə edərkən istinad etmək vacibdir.
