Paytaxt Bakıdan elə də uzaq olmayan və istirahət üçün əlverişli yerlərdən biri də İsmayıllı rayonu hesab olunur. Burada qonaqlara hotellərlə yanaşı kənd evləri də təklif olunur.
Xeberle.com fins.az-a istinadən xəbər verir ki, istirahət etmək istəyənlərin bura maraq göstərməsi İsmayıllının təbiəti ilə yanaşı, paytaxtdan cəmi 151 kilometr aralıda olmasıdır.
İsmayıllıda kənd evlərinə gəlincə, burada əsasən 3 kənddə - Cülyan, Buynuzdağ və Kanagahda kənd evləri var. Evlər 1 mərtəbəli, 2 mərtəbəli və villalardır.
2 otağı və bir zalı olan evlərdə qonaqlamaq 50 manatdır. Bundan başqa 3 və 4 otaqlı evlər də var. Bu cür evlərdə qonaqlamaq isə 80-100 manatdır. Evin hansı kənddə olması qiymətə təsir etmir.
Yalnız evin şəraiti və otaq sayına görə qiymətlər dəyişir. Bundan başqa qonaqlar üçün villalar da təqdim olunur. Villalarda bir gün qonaqlamaq isə 150-200 manatdır. Bu cür evlərdə hovuz da olur.

Xəbərdən istifadə edərkən istinad etmək vacibdir.