Su həyat üçün vazkeçilməzdir. Suyun orqanizmə faydası çoxdur. Bütün
orqanlar suya ehtiyac duyur. Yuxudan oyananda bir bardaq su içmək
orqanizm üçün çox faydalıdır.
Xeberle.com oxucularına ac qarına su içməyin 10 faydasını təqdim edir.
1. Yeməkdən əvvəl 1 və ya 2 bardaq su içmək toksinlərdən qurtulmaq və
orqanizmin ehtiyac duymadığı maddələri ifraz etmək üçün faydalıdır. Hər
günün başlanğıcında su içmək metabolizmi sürətləndirir və xəstəliklərdən
qorunmağa kömək edir.
2. Gecə vaxtı orqanizm hüceyrələri təmir etmək və özünü yeniləmək üçün
çalışır. Bu səbəbdən səhər ac qarına bir bardaq su içmək lazımsız
maddələrin sidik yolu ilə ifrazına dəstək olur.
3. Ac qarına bir və ya bir neçə bardaq su içmək spirt, tütün, çirklənmə
və pis qidalanma nəticəsində orqanizmə daxil olan ziyanlı maddələrin
təsirinin azalmasına kömək edir.
4. Su dərinin ən yaxşı dostlarından biridir və dəri sağlamlığı üçün çox
faydalıdır. Ac qarına 2 bardaq su içmək dərinin elastikliyini qoruyur və
vaxtından əvvəl qırışların yaranmasının qarşısını alır.
5. Səhərlər yuxudan duranda su içmək orqanların su ehtiyacını təmin edir
və sağlam şəkildə işləmələrinə kömək edir.
6. Ac qarına 2-3 bardaq su içmək arıqlamağa kömək edir. Su orqanizmdəki
toksinləri atır, yağ və kalori yandırmağa kömək edir. Bundan başqa aclıq
hissini də dəf edərək lazımsız qida qəbulunun qarşısını alır.
7. Səhər su içmək limfa vəzi və bağırsaq yolunun sağlamlığını qoruyur.
Kortizol miqdarına nəzarət etməyə kömək edir. İnfeksiyalardan qoruyur və
ümumi sağlamlığa kömək edir.
8. Ac qarına bir bardaq ilıq su içmək günə enerji ilə başlamağın yaxşı
bir yoludur. Səhərlər yuxululuq və yorğunluğu dəf etməyə kömək edir.
9. Səhər yeməyindən əvvəl su içmək bağırsaq hərəkətlərini canlandırır və qəbzliliyin qarşısını almağa kömək edir.
10. Əgər mədə xorası və buna bənzər probleminiz varsa, su ən yaxşı
vasitədir. Ac qarına ən az 3 bardaq su içmək mədədəki turşuluq miqdarını
aşağı salmağa və mədə xorasına səbəb olan krampları yox etməyə kömək
edir.(Ölkə.az)
Xəbərdən istifadə edərkən istinad etmək vacibdir.
