Selfi çəkməyə həddindən çox maraq göstərirsiniz? ABŞ-ın Ohio Dövlət Universitetinin alimləri həddindən çox selfi çəkib sosial şəbəkələrdə paylaşan adamların psixopat hərəkətlərə meylli ola biləcəyini müəyyənləşdirdiklərini açıqlayıb.
18-40 yaş arası 800 nəfərin sosial şəbəkədəki paylaşımlarını araşdıran və onları psixoloji testlərlə analiz edən araşdırmaçı alimlər davamlı olaraq selfi paylaşan adamların anti-sosial davranışlara meyilliliyinin selfi həvəskarı olmayan həmcinslərindən daha çox olduğunu gördüklərini söyləyiblər.
Araşdırmalarını Şəxsiyyət və fərdi fərqlər (Personality and Individual Differences) adlı jurnalda nəşr elətdirən psixoloqlar öz fotolarını tez-tez internetdə paylaşan adamların narsisizm və asperger sindromu kimi psixi problemlərdən əziyyət çəkdiyini bildirib. (axar.az)
Xəbərdən istifadə edərkən istinad etmək vacibdir.
