Kərkük Türkmən Cəbhəsi başqanı Ərşad Salihi dünən Kərkükə yardım etmək üçün dünya Türklərinə, o cümlədən Azərbaycanlılara müraciət ünvanlayıb. Müraciətdən sonra Dünya Azərbaycanlıları Konqresinin sədri Asif Kurban da öz facebook səhifəsində Türk millətinə müraciət ünvanlayaraq Ə.Salihin yanında olduqlarını bəyan edib. "Kərkükə sahib çıxma zamanıdır. Tez-tez özümüzə Türk olduğumuzu xatırlatmağın vaxtıdır. Kim olduğumuzu unutsaq və qandaşımıza sahib çıxmasaq, birgə gün sənə də sahib çıxan, dəstək olan olmaz, unudularsan. Hər kəs Kərkük Türkmənləri üçün ''mən də nə edə bilərəm'' deyə düşünməyə vaxt ayırsın, diqqət ayıraq. Gündə 30 dəqiqə də bu məsələyə zamam ayırsaq, əmin olun qardaşlarımız üçün bir köməkdir. Allah qardaşlarımızı qorusun!" yazaraq hər kəsi Kərkük uğrunda bir addım atmağa səsləyib.

Xəbərdən istifadə edərkən istinad etmək vacibdir.