"Facebook” sosial şəbəkəsində yanlışlıqla yüzlərlə istifadəçinin vəfatı barədə məlumat yayılıb. Xəbərə görə, bir çox istifadəçinin səhifəsində və profilində onların ölümü haqda banner yerləşdirilib.
Maraqlıdır ki, "Facebook”un qurucusu və rəhbəri Mark Zukerberq də bu yanlışlığın qurbanlarından biridir. Onun səhifəsində belə bir yazı peyda olub: "Biz ümid edirik ki, Markı sevən insanlar onu xatırlamaq və xatirəsini yad etmək üçün başqa insanların paylaşdıqları şeylər arasında təsəlli tapacaqlar”.
Hadisə ilə bağlı açıqlama verən "Facdebook”un mətbuat katibi bunun dəhşətli səhv olduğunu bildirib: "Biz çox təəssüf edirik”.
Mətbuat katibi konkret nə qədər istifadəçinin səhifəsində bu cür qeydin peyda olduğunu söyləməyib. Söhbət yüzlərlə istifadəçidən gedir. Onların bir çoxu öz vəfatı barədə qeydin skrinşotunu paylaşıb.(Lent.az)
Xəbərdən istifadə edərkən istinad etmək vacibdir.
