İngiltərə məhkəməsi xərçəngdən əziyyət çəkən 14 yaşlı qızın vəsiyyət xarakterli müraciətini qəbul edib. 
Sağalmaz xəstəliyə uğrayan yeniyetmə ölümündən sonra dondurularaq xüsusi depoda saxlanmasını istəyib. ABŞ-da bu cür yerlərin olduğunu öyrənən qızın istəyinə valideynləri mane olub. Lakin o, ölümündən bir müddət əvvəl vəkil qohumu ilə məsələni həll edib. O, məhkəməyə məktubunda  yazıb: "ölmək istəmirəm, amma öləcəyimi də bilirəm. İstəyirəm ki, məni donduraraq saxlasınlar. Gələcəkdə xərçəng xəstəliyini sağalda biləcəklər. Bəlkə, mənim də donmuş cismimi sağaltmaq mümkün oldu və mən 200 ildən sonra sağaldım”.


Məhkəmə, J.S. şifrəsi ilə adlandırılan qızın vəsatətini təmin edib. Məkəmə qərarından bir neçə gün sonra dünyasını dəyişən J.S.-in cəsədi AB,-a aparılaraq dondurulub. 
Qeyd edək ki, nə məhkəmə həmin qızın tam adını açıqlamır. Yalnız ad və soyadının baş hərfləri ilə J.S kimi adlandırılıb.(Moderator.az)

Xəbərdən istifadə edərkən istinad etmək vacibdir.