Rusiyada sovet dövründə bütün ölkədə mədəni ənənəyə çevrilmiş canlı şahmat oyunlarının zəngin tarixi var. Belə ki, Smolenskdə yerli sakin Vsevobuçun təşəbbüsü ilə 1921-ci il avqustun 23-də Rusiyada ilk "Canlı şahmat"ın təqdimatı keçirilib. Meydanda qum və təbaşirlə böyük şahmat lövhəsi təsvir edilib. Şahmat fiqurlarını ağ və qara geyimli əsgərlər ifa edirdilər."Ölən" fiqurları meydandan sanitar arabalarında çıxarırdılar. Belə oyunlardan ən məşhuru 1924-ci il iyulun 20-də Sankt-Peterburqun ən böyük meydanı olan Uritskovda keçirilən Piter şahmat yarışıdır. Bu hadisəyə əvvəlcədən çox diqqətlə hazırlaşıblar. Bir neçə gün əvvəl dövrü mətbuatda şəhərin ən güclü şahmatçıları, idman ustaları İlya Rabinoviç və Pyotr Romanskiynin tamaşaçılar qarşısında "canlı şahmat" partiyası oynayacaqları barədə məlumatlar verilmişdi. Biletlərin qiyməti 10 qəpikdən 50 qəpiyədək olub. Bu maraqlı görüşdə 8 min tamaşaçı iştirak edir. Ağ fiqurlarla "Qırmızı Dəniz Donanması" (dənizçilər ağ formada idilər), qara fiqurlarla "Qırmızı Ordu" qara rəngli formada  yarışırdı. Bütün fiqurlar canlı idi: "kralları " bayraqdarlar , "at"ları əsil atlılar, "top"u balaca topların yanında üç nəfər, Dəniz donanmasının "vəzir”i rolunda Rabinoviçin həyat yoldaşı oynayırdı.