İqtisadi Zonaların İnkişafı Agentliyinin nəzdində Peşə Təhsil Mərkəzində 9 May Faşizm üzərində qələbənin əldə olunmasının 79-cu ildönümü münasibətilə tədbir keçirilib.
Tədbir Azərbaycan Respublikasının dövlət Himni ilə başlanıldı, 1941-1945-ci il böyük vətən müharibəsində və Azərbaycan Respublikasının ərazi bütövlüyü uğrunda canlarını fəda etmiş bütün şəhdlərimizin əziz xatirəsi 1 dəqiqəlik sükutla yad edildi. Mərkəzin direktoru Kənan Bağırov giriş sözü ilə tədbirin mahiyyəti haqqında iştirakçıları məlumatlandı. O qeyd etdi ki, Böyük vətən müharibəsində Azərbaycan vətəndaşlarının göstərdikləri misilsiz şücaətin müqabilində 43 Azərbaycanlı Sovet İttifaqı Qəhrəmanı, 30 nəfər isə "Şöhrət" ordeninin hər üç dərəcəsi ilə təltif ediliblər. İki dəfə Sovet İttifaqı Qəhrəmanı Həzi Aslanov, Sovet İttifaqı qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və başqaları öz şücaətləri ilə Azərbaycan xalqının tarixinə qızıl hərflərlə yazdıqları haqqında danışdı. Onu da qeyd etdi ki, Bakı nefti faşizm üzərində qələbənin əsas amillərindən biri olub, hər beş təyyarədən dördü, hər beş tankdan dördü, hər beş avtomobildən dördü Bakıdan göndərilən yanacaqla işləmişdir.
Tədbirdə Mərkəzin tələbələrinin ifasında şeir, mahnı, videoçarx və tələbələrin 9 May Faşizm üzərində Qələbə Gününə həsr olunmuş fotoşop müsabiqəsi şəkilləri nümayiş etdirildi.
Xəbərdən istifadə edərkən istinad etmək vacibdir.
