İqtisadi Zonaların İnkişafı Agentliyinin nəzdində Peşə Təhsil Mərkəzinin "İnkişafa Doğru” yay məktəbinin 25 iyul 2024-cü il tarixli təlim sessiyaları Abşeron-Xızı Regional Gənclər və İdman İdarəsi ilə əməkdaşlıqda həyata keçirilib.
İlk öncə "İnkişafa Doğru” yay məktəbinin iştirakçıları Peşə Təhsil Mərkəzinin direktoru Kənan Bağırovun təqdimatında "Komanda quruculuğu və Liderlik” mövzusunda praktik təlimdə iştirak ediblər. Təlim zamanı iştirakçılar üçün müxtəlif qrup məşğələləri və interaktik müzakirələr təşkil olunub. Növbəti sessiyada Gənclərin İnkişaf və Karyera Mərkəzinin Abşeron-Xızı regional nümayəndəliyinin əməkdaşı Ləman Muradi Eminli tərəfindən "Layihə yazılışı və idarə edilməsi” mövzusunda yay məktəbi iştirakçılarına seminar təşkil edilib.
Təlim sessiyalarının sonunda Sumqayıt Musiqi Kollecinin müəllim və tələbələrinin ifasında musiqili proqram təqdim edilib. Yay məktəbinin bu təlim sessiyasında mərkəzin tələbələri ilə yanaşı Sumqayıt şəhərinin fəal gəncləri də iştirak ediblər.
Xəbərdən istifadə edərkən istinad etmək vacibdir.
