İqtisadi Zonaların İnkişafı Agentliyinin nəzdində Peşə Təhsil Mərkəzinin "İnkişafa Doğru” yay məktəbinin növbəti təlimi şəxsi inkişaf və nitq mədəniyyətinə həsr edilib
İqtisadi Zonaların İnkişafı Agentliyinin nəzdində Peşə Təhsil Mərkəzində 31.07.2024-cü il tarixində "Tələbələrin inkişafı və nitq mədəniyyətinin formalaşdırılması, natiqlik sənəti" ilə bağlı növbəti təlim sessiyaları keçirilib.
Təlim zamanı Mərkəz yanında İctimai Şuranın katibi, "Azərbaycan Uşaqlarının İnkişaf Platforması" İctimai Birliyinin sədr müavini Əsmər İsmayılova "Nitq mədəniyyəti və natiqlik sənəti" haqqında çıxış edib. O, təlim prosesində tələbələrə şəxsi inkişafın vacibliyi, özünü inkişaf etdirmə yolları, nitq mədəniyyəti və milli təfəkkürün formalaşması ilə bağlı geniş məlumat verib.
Bununla yanaşı Ailə, Qadın və Uşaq Problemləri üzrə Dövlət Komitəsi yanında Uşaq Səfirlər Məclisinin üzvü Mətləb Orucov Uşaq Səfirlər Məclisinin, eləcə də Ailə, Qadın və Uşaq Problemləri üzrə Dövlət Komitəsi uşaqların inkişafı istiqamətdə fəaliyyəti ilə bağlı yay məktəbinin iştirakçılarına məlumat verib. Təlim zamanı qrup işləri və müzakirələr keçirilib, tələbələrin sualları cavablandırılıb.
Xəbərdən istifadə edərkən istinad etmək vacibdir.
