İqtisadi Zonaların İnkişafı Agentliyinin Peşə Təhsil Mərkəzində "COP 29” ilə əlaqədar növbəti ekoloji maarifləndirmə tədbiri keçirilib.
23 oktyabr 2024-cu il tarixində İqtisadi Zonaların İnkişafı Agentliyinin Peşə Təhsil Mərkəzində BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 ilə əlaqədar tələbələr üçün ekoloji maarifləndirmə tədbiri keçirilib.
Tədbirdə çıxış edən Peşə Təhsil Mərkəzinin direktoru Kənan Bağırov qonaqları salamlayıb və qlobal iqlim dəyişmələri nəticəsində baş verən istiləşmə və onun yaratdığı böyük fəsadlar barədə tədbir iştirakçılarına məlumat verib.
Tədbir zamanı Gənclərin İnkişaf və Karyera Mərkəzinin Abşeron-Xızı regional nümayəndəliyinin rəhbəri Sevinc Qasımova və gənc EKO səfir Famil Pirəliyev tərəfindən iqlim dəyişikliyinə səbəb olan amillər, onun fəsadları, alternativ enerji resurslarından istifadənin vacibliyi və ekoloji mühitin qorunmasının əhəmiyyəti ilə bağlı tələbələrə təqdimatlar edilib. Daha sonra tələbələrin iştirakı ilə intellektual oyun təşkil olunub və yekun suallar cavablandırılıb.
Xəbərdən istifadə edərkən istinad etmək vacibdir.
